Tailerrak

Nazioarteko dokumentazioari, aduanen kudeaketari eta esportazioko zein inportazioko logistikari buruzko tailerra.

BETETA

Incotermen 2020ko bertsio berria. Erresuma Batuarekin esportazioetan eta inportazioetan aldaketak.

• Iraupena: 7 ordu (9:00etik 13:30era; denon arteko bazkaria; 15:00etik 17:30etara)

• Prezioa: 100 euro pertsona bakoitzeko Adegiko bazkideentzat; 200 euro pertsona bakoitzeko Adegiko bazkideak ez direnentzat, gehi BEZ (bazkaria barne).

• Eguna: 2021/09/22

• Partaide-kopuru mugatua (gehienez 12 talde bakoitzean).

Nori zuzenduta:

Egitarauak ikuspegi orokorra izango du, eta, beraz, mintegi hau enpresetan nazioarteko jarduerarekin lotutako pertsona eta sail guztientzat da: esportazio- eta inportazio-zuzendariak, nazioarteko erosketen eta esportazioaren arloetako administrariak, esportazio-arloko komertzialak, finantzariak, sail logistikoak...

Helburuak:

Aduana-metodologiari buruzko ezagutzak ematea, esportazioen eta inportazioen kudeaketa hobeto egiteko.
Kanpo-merkataritzako eragiketetan zer izapide behar diren jakitea, aduana-izapidea eraginkortasunez egiteko.
Aduanetan aurkeztu beharreko dokumentuak ezagutzea, bai eta inportazio- eta esportazio-jardueren kostuak txikitzeko eta merkataritza-hobekuntzak lortzeko lehentasunezko dokumentuak ere.

Egitaraua:

Nazioarteko merkataritzaren aduanen kudeaketa. Oinarrizko kontzeptuak. Garraio-bitartekariaren, aduana-agentearen eta Aduanen irudiak.

Erkidego barruko eta kanpoko salmentak. BEZik gabeko salmentak arrazoitzeari buruzko zuzentarau berria: nahitaez gorde behar den dokumentazioa
Esportazioko eta inportazioko izapideak. Europako igorpen zentralizatua. Brexitaren ondorioak praktikan. Praktika askeko izapideak abantaila fiskal gisa.
Aduanetako ikuskaritzak.
Aduanetan aurkeztu behar den dokumentazioa eta DUA. Aduanetan arazo gutxiago izateko dokumentazioa igortzeari buruzko gomendioak.

Salgaien muga-zergen sailkapena: Sistema bateratua, Izendapen konbinatua eta Taric delakoa. Nola bilatu muga-zergen kodea. Nazioarteko zergak.

Salgaiak nola sailkatzen diren. Zalantzarik izanez gero, muga-zergen kodea zehazteko irizpideak. Inportazioko zein esportazioko muga-zergak bilatzea Inportatzeko eskubideak eta zergak. Informazio hori aurkitzeko web orriak.
Muga-zerga motak. Ad valorem, Espezifikoak, Mistoak eta Konposatuak. Muga-zerga desberdinak kalkulatzeko kasu praktikoak. Esportatzeko muga-zergak eta inportatzeko muga-zergak eta gainerako zergak biltzen dituzten web orriak.
Inportazioko BEZa. Zergak kalkulatzeko kasu praktikoa.

Jatorriko herrialdearen araberako muga-zergen onurak. Lehentasuna duten eta ez duten jatorri-ziurtagiriak. Nola ezagutu muga-zerga lehenetsiak modu praktiko eta errazean.

Jatorri-ziurtagiria.
EUR-1
Baimendutako esportatzailearen zenbakia eta fakturan datorren esportatzailea
Nola ziurtatu Europar Batasunaren eta Erresuma Batuaren arteko muga-zerga lehenetsiak.

2020ko Incotermak. Indarrean sartzeko data: 2020ko urtarrilaren 1

2020ko bertsioaren berritasunak. Desagertuko diren Icotermak eta hainbat Icotermatan izango diren aldaketak.
Gastuak eta erantzukizunak, entrega eta arriskua, aduanako kudeaketak 2020ko Icoterm bakoitzaren arabera. Brexitaren ondorioak Icotermetan.
Nazioarteko banaketan erabiltzea eta Incoterma hautatzeko irizpideak, bai esportatzean bai inportatzean.
Esportazioko prezioak EXWtik DDPra prestatzearen kasu praktikoa.

Garraio-modalitateak

Garraiobide nagusien azterketa
Garraio-dokumentazioa: B/L, CMR, AWB, CIM

Eragiketa triangeluarrak

Eragiketa triangeluar motak: bakoitzaren kudeaketa logistikoa eta bakoitza nola antolatzen den.
- Erkidego barruko triangeluarrak
- Erkidego kanpoko triangeluarrak: mistoak eta puruak

Kasuistika ezberdinak: itzulerak, konponketak, aldi baterako inportazioak, bestelakoak.

Formatzailea: Cristina Lacave Arias-Camisón

Zuzenbidean lizentziaduna Nafarroako Unibertsitatean.
Nazioarteko Merkataritzan masterduna Nafarroako Unibertsitatean eta ESICen.
Esportazio-zuzendaria zenbait enpresatan, 15 urtean.
Nazioarteko merkataritzako formatzailea eta aholkularia zenbait erakunde eta enpresatan.