Data: 25/09/2019 | Ordutegiak: 09:30 h. - 13:30 h. | Iraupena: 4 h.| Egunak: 25/09/2019 | Antolatzailea: Sidenor Aceros Especiales | Lekua: Azkoitia. Ctra. Zumárraga s/n, Barrio Itsasaga

"Pertsonak, balioak eta kudeaketa - sistemak"

Eguna: 2019/09/25
Ordua: 09:30-13:30
Lekua: Enpresaren egoitzan (Azkoitia)

Sidenor lider da altzairu luze berezien ekoizpenean, eta fabrikatzaile nagusietako bat munduan, pieza forjatu eta altzairurtuak egiten dituzten fabrikatzaileen artean; gainera, Europako merkatuan kalibratze-produktuen hornitzaile handia ere badu. Ekoizpen-zentroak ditu Euskadin, Kantabrian eta Katalunian, eta merkataritzako ordezkaritzak ditu Alemanian, Frantzian, Italian eta UKn.

Sidenor Azkoitian, pertsonak proiektuaren erdigunean jarrita, balio hauen alde egiten dugu: konfiantza, lankidetza, errespetua, komunikazioa, giza harremanak eta harreman etikoak, eredu pertsonala, entzutea… Aldaketa kulturalaren prozesuak denbora luzean lantzen dira, eta horien oinarriak dira pertsonak, balioak eta Kudeaketa Sistemek jokabide eta jarreretan duten eragina.

Sidenor Azkoitiaren antolaketa-egitura eta kudeaketa-tresnak dira gure baliabideak eta horiei esker, pertsonek balioak praktikan jartzen dituzte egunero.

Triangelu horrek garatzen ditu Lidergorako eta Pertsonen Kudeaketako estiloak; hala, eguneroko jardunean balioak aplikatuz, gure lantegiko kultura osatzen duten jarrera eta jokabideak indartu eta barreiatu ahal izaten ditugu.

Sidenor Azkoitia aitortu du ADEGIk Enpresa Kultura Berriaren balioak ordezkatzen dituen enpresa gisa.

Proiektuaren bilakaeraren gakoak izan dira aldaketaren funtsezko elementu gisa balio batzuk, kudeaketa eta errutina bat definitzea eta horietan sinestea (adibide argia da Prebentzio Kulturarena, “izateko eta jokatzeko modua” aldatzen duen elementu katalizatzaile gisa). Gainera, antolaketa industrialaren eredu bat ezartzea landu da, eta horrek enpresako kide guztien rolak aldatu ditu. GFO ereduak (Eragilean arreta jartzen duen kudeaketa, gaztelaniazko sigletan) guztion funtzioak eta erantzukizunak birdefinitu ditu, eta kudeaketa-eredu bati erantzun behar dion Lidergoa eskatzen du; horrek taldean lan egitea eskatzen die, jendearen “entrenatzaile” gisa jardunez, komunikatuz, lagundu, aitortuz, zuzenduz, entzunez, errespetatuz, eraginez, autonomia emanez, motibatuz, parte-hartzen animatuz...

Aldaketaren bidaian jarraitzen dugu, zenbait oztopo gainditu behar izan dituzte eta erronka eta zailtasun asko izaten jarraitzen dute; epe ertain eta luzean landu beharko ditugu horiek.  

 

EGITARAUA

• Sidenor Azkoitiaren aurkezpena.
• Kultura, balioak eta pertsonak.
• Sidenor kudeaketa-sistemak: Errutina eta hobekuntza, prebentzio-kultura eta GFO (eragilean arreta jartzen duen kudeaketa).
• Lantegira bisita, bideratzaile eta kolaboratzaileekin harremanetan.
• Galderak eta eztabaida.