Osasun Kultura Sustatzen - Gomendioa: arrisku psikosozialak kudeatzeko eta haietan esku hartzeko prozesuak eta teknikak

Laneko arrisku psikosozialei buruz hitz egiten dugunean, alde batetik, estresagatik ari gara hizketan eta bestaldetik, gatazka edo tentsio egoerei buruz.

Hauek pertsonengan sortzen dituzten ondorio negatiboak gutxitu nahi baditugu, arrisku hauek detektatzen eta aurre egiten lagunduko diguten esku-hartzeko teknika eta prozesuak aplikatu beharko ditugu. Horretarako, ADEGIk gomendatzen dizu:

• Identifikatu zeintzuk diren estimulu estresagarriak eta tentsio egoera desberdinak.

• • Estresa sortzen diguten faktoreak askotan, nahiz eta ez izan larriak, egunerokotasuneko egoeretatik datoz, hala nola, espero ez genuen lan pilaketagatik edota pertsonarteko gatazkengatik.

• Arrisku psikosozialek dituzten ondorioekiko kontziente izan.

• • Pertsonengan ondoeza sor dezakete, beraien konpromisu eta motibazioa murriztuz, eta ondorioz, hauen eraginkortasuna; hori gutxi balitz, ausentziak eragin ditzakete.

• Gure enpresan onartu nahi ez ditugun portaerak edo egoerak bideratzea, protokoloen aplikazio legaletik haratago.

• Alda ditzakegun enpresako alderdiengan jarri arreta, arrisku psikosozial hauek hobetzeko edo ekiditeko.

• • Horretarako, beharrezkoa da enpresa bezala aztertzea:

• • • Antolaketa-faktoreak: ea pertsonak parte hartu dezaketen, taldetan zein lidergo mota dauden, lan egiteko denborak zeintzuk diren, pertsonen arteko harremanak edota garapen profesionala izateko aukerak zeintzuk diren.

    • Lanpostuarekin edo eginkizunekin lotutako faktoreak: ea pertsonak burutzen duen horri zentzua bilatzen dion, taldean duen rola pertsonak, autonomia duen, zenbateko lan-karga duen edo lanaren eskakizun psikologikoak.

• Analisi kualitatibo eta kuantitatiboak burutzea arrisku psikosozialak neurtzeko.

• • Analisi kualitatiboei esker, atzeman ditugun arazoetan gehiago sakondu ahalko dugu, analisi kuantitatiboen interpretazioak saihestuz.

• Arrisku psikosozialak kudeatzeko hiru maila izan behar ditugu kontutan:

• • Lehen mailakoak: antolakuntzarekin edo lanpostuarekin lortutako ekintzak egiten hasi behar dugu.
  • Bigarren mailakoak: pertsonengan aplikatzeko moduko ekintzak planteatu beharko ditugu.
  • Hirugarren mailakoak: ekintza hauek pertsonei babesa ematearekin eta osasuna zaintzearekin lotuta daude.

• Ekintza-plana garatu egiten ditugun ekintza guztiek zentzua izan dezaten eta ez daitezen izan ekintza solteak.

• • Eraldaketa kultural batean oinarritutako helburuak ezarri, enpresako beste aldaketa batzuei eragin diezaieten.
  • Zuzendaritza taldearen eta arduradun guztien inplikazioarekin kontatu.