Gipuzkoako ekonomia % 4,5 eta % 6,5 artean haziko da eta 2.000 eta 3.000 artean egongo da urtean sortuko den batez besteko enplegu garbia

Enpresen % 87k plantilla mantentzea edo handitzea aurreikusten du.

Enpresa-konfiantzaren berreskuratzeak jarraitzen du. Egungo egoera enpresek irailean aurreikusten zutena baino zertxobait hobea da.

Enpresen % 62rentzat, euren merkatuen egoera suspertze edo normaltasunekoa da.

Datozen hilabeteei begira, enpresa- konfiantzak hobera egiten jarraitzen du.

Fakturazioa % +1,2 igo da aurreko hiruhilekoarekin alderatuta. Barne-merkatua (+% 1,1) eta kanpo-merkatua (+% 1,2) hazi dira.

3 enpresatik 2k salmentak mantentzea edo handitzea lortzen dute 2020ko azken hiruhilekoan.

Hamar enpresatik zazpik handitu edo mantendu egiten dute eskari-zorroa, eta hamar enpresatik lauk uste dute eskari-maila normala edo altua dutela.

Eskaeren zorroa +% 1,7 igo da azken hiruhilekoan, aurreko hiruhilekoarekin alderatuta.

Espainiako ekonomiaren ahultasunak kezka nagusia izaten jarraitzen du, baina jaitsi egiten da. Bigarren postuan daude nazioarteko ekonomiaren ahultasuna eta salmenten errentagarritasunaren jaitsiera. Lehengaiei buruzko kezkak gora egiten du.

Lehentasuna kutsadurak kontrolatzea eta txertaketak bizkortzea izan behar du, premisa horiek gabe ezin baita bermatu ekonomiaren eta enpleguaren susperraldia.

Azken hilabeteetan erregistratutako bilakaera ekonomikoa positiboa izan da, eta 2021. urtea hazkunde handiko eta enplegu-sorrerako urtea izango da, baina modu desberdinean sektoreen eta enpresen artean.

Gure proiekzioen arabera, 2021ean BPGren batez besteko hazkundea % 4,5/% 6,5 ingurukoa izago da. 2.000 eta 3.000 artean egongo da urtean sortuko den batez besteko enplegua.

Sektoreek konfinamendu-neurriekiko duten esposizio desberdinaren ondorioz, batzuek (ostatuak, ostalaritza, merkataritza, elikagaien banaketa, kultura, aisia) gainerakoek baino eragin handiagoa dute, eta uste dugu zuzeneko laguntza-neurri espezifikoak hartu beharko liratekeela.

Ahalegin guztiak egin behar dira inor atzean ez uzteko, ez enpresarik, ez pertsonarik.

Europako Funtsak (Next Generation), enpresei laguntzera eta eraldaketa ekonomikoa bultzatzera bideratu beharko lirateke, digitalizazio eta iraunkortasun handiagoa lortze aldera, lehiakortasuna hobetuz.

Egoeraren ekonomikoa inkesta

Merkatuaren egoera

Enpresa-konfiantzaren berreskuratzeak jarraitzen du. Suspertzearen pertzepzioak 9 puntu egin du gora, eta atzeraldiarenak -13,5 puntu egin du behera. Egungo egoera enpresek irailean aurreikusten zutena baino zertxobait hobea da.

Datozen hilabeteei begira, enpresa- konfiantzak hobera egiten jarraitzen du. Suspertzearen pertzepzioa 10,5 puntu igo da, eta atzeraldiarena 7 puntu murriztu da.

Enpresen % 26k adierazi du merkatuaren egoera suspertzen ari dela, irailean baino 8,5 puntu gehiago. Emaitza 2019ko irailekoaren parekoa da. Enpresen % 36k adierazi du egoera normala dela. Irailean baino +5 puntu gehiago dira. Merkatuak atzeraldia ikusten duten enpresen kopurua, 538koa da, irailean baino -13,5 puntu gutxiago.

Datozen hilabeteei begira, enpresek tamainako hobekuntza ikusten dute. Suspertzea espero duten enpresen kopurua % 26tik % 36,5era igo da datozen hilabeteei begira; atzeraldia espero dutenena, berriz, % 38tik % 31ra jaitsi da. % 32,5 dira normaltasun-egoera aurreikusten dutenak. Laburbilduz, enpresen % 69k normaltasun- edo suspertze-egoera espero dute datozen hilabeteetarako.

Egungo egoera enpresek irailean aurreikusten zutena baino zertxobait hobea da, orduan % 43,5ek atzeraldia espero baitzuten hurrengo hilabeteetarako, eta % 21ek hedapena, hau da, une honetan adierazten dutena baino +5,5 puntu gehiago eta -5 puntu gutxiago.

Salmentak: barne- eta kanpo-merkatua

Fakturazioa % +1,2 igo da aurreko hiruhilekoarekin alderatuta. Barne-merkatua (+% 1,1) eta kanpo-merkatua (+% 1,2) hazi dira. 3 enpresatik 2k salmentak mantentzea edo handitzea lortzen dute 2020ko azken hiruhilekoan.

2020ko azken hiruhilekoan, enpresen batez besteko fakturazioa +% 1,2 igo da aurreko hiruhilekoarekin alderatuta.

Hazkunde orokor hori, ordea, industria-sektoreari zor zaio nagusiki, +% 2,4ko aurrerapenarekin (metalikoak, +% 2,7, ez-metalikoak, +% 1,5). Aitzitik, eraikuntzan -% 6,1eko beherakada gertatu da, eta zerbitzuen sektorean -% 1,2koa (+% 2,7 enpresentzako zerbitzuak, -% 36,2 merkataritza eta ostalaritza).
3 enpresatik 2k salmentak mantentzea edo handitzea lortu dute 2020ko azken hiruhilekoan, baina merkataritzan eta ostalaritzan beherakada adierazi dutenen kopurua % 66,5era iritsi da.

Enpresen % 65,5ek barne-salmenten igoera edo mantentzea adierazi dute, eta % 34,5ek, berriz, beherakada. Enpresa esportatzaileen artean, % 72k kanpo-fakturazioa mantentzea edo handitzea lortzen dute, eta % 28k kanpo-salmentak murrizten dituztela adierazten dute.

Eskaeren zorroa

Hamar enpresatik zazpik handitu edo mantendu egiten dute eskari-zorroa, eta hamar enpresatik lauk uste dute eskari-maila normala edo altua dutela. Eskaeren zorroa +% 1,7 igo da azken hiruhilekoan, aurreko hiruhilekoarekin alderatuta.

Enpresek adierazi dute eskaeren batez besteko maila +% 1,7 igo dela azken hiruhilekoan, aurreko hiruhilekoarekin alderatuta. Industriako enpresen batez besteko igoera +% 2,1ekoa izan da. Zerbitzuen sektorearen kasuan, batez besteko igoera +% 1,6koa da, enpresentzako zerbitzuen igoera +% 2,1ekoa izanik, baina merkataritzaren eta ostalaritzaren beherakada -% 19,6koa izan da. Eraikuntzaren sektorean, berriz, -% 4,7 egin du behera.

Enpresen % 28,5ek adierazi du eskaeren mailak gora egin duela azken hiruhilekoan, aurreko hiruhilekoarekin alderatuta. % 40,5ek adierazi dute azken hiruhilekoan eskari-mailari eustea lortu dutela. Azken batean, enpresen % 69k adierazi dute beren eskaera-mailari eustea edo hura handitzea lortu dutela. Enpresen % 31k adierazi dute eskaerak gutxitu egin direla.

Enpresen % 15,5ek eskaera maila altua dutela adierazi dute, hau da, irailean baino 5 puntu gehiago. Eskaera altuen maila batuta lortzen diren 5 puntuetatik 3 normaltasun-aukerak galtzen ditu. Hala, eskaera-maila normala dutela dioten enpresen kopurua irailean % 28 izatetik gaur egun % 25 izatera igaro da. Oro har, enpresen ia % 41ek adierazi dute eskaera-maila normala edo altua dutela, hau da, irailean baino 2 puntu gehiago. Enpresen % 59k eskaera maila ahula dutela adierazi du, hau da, irailean baino 2 puntu gutxiago.

Ekoizpen-ahalmenaren erabilera

Ekoizpen-ahalmenaren erabilera-mailak suspertzen jarraitzen  jarraitzen du; irailarekiko +2,5 puntu hazi da, eta aurrera egiten du, % 77,5ean kokatu arte. Merkataritzan eta ostalaritzan % 34ra baino ez da iristen.

Ekoizpen-ahalmenaren erabilera-maila (UCP) % 77,5ekoa izan zen urtarrilean, hau da, ia 2,5 puntuko aurrerapena irailarekin alderatuta.

Industriaren ekoizpen-ahalmenaren erabilera batez beste % 75,5ekoa da; industria metalikoarena % 77koa eta ez-metalikoarena % 71koa. Eraikuntzaren sektorea ( % 86) da mailarik altuena erakusten duena, zerbitzuen sektoreak erakusten duen % 81,5 baino pixka bat handiagoa. Zerbitzuen sektorean, ordea, aldeak nabarmenak dira merkataritzaren eta ostalaritzaren % 34ren eta enpresentzako zerbitzuen % 87,5en artean.

Enpresen % 73,5ek ekoizpen-ahalmenaren erabilera mantentzea edo handitzea lortu dute, aurreko hiruhilekoarekin alderatuta. Enpresen % 26,5ek adierazi du ekoizpen-ahalmenaren erabilerak  behera egin duela aurreko hiruhilekoarekin alderatuta.

Enplegua: egokitzapena eta bilakaera

Enpresen % 87k plantilla mantentzea edo handitzea aurreikusten du. Enpresek kontratatzen jarraitzea aurreikusten dute, beraz, 2.000 eta 3.000 lanpostu garbi artean sor daitezke 2021ean.

Enpresen % 87k plantilla mantentzea edo handitzea aurreikusten du. Datozen hilabeteetan plantilla-maila handitzea aurreikusten duten enpresen kopurua % 20koa da, iraileko datuekin alderatuta, +10 puntu gehiago.

Enplegu-mailari aldaketarik gabe eutsiko diotela aurreikusten duten enpresen kopurua guztizkoaren % 67,5 da. Irailean baino puntu bat gehiago. Enplegu-maila jaitsi beharko dutela aurreikusten duten enpresen kopurua % 13ra jaitsi da, irailean baino 11,5 puntu gutxiago.

Emaitza horiek guztiak Gipuzkoako ekonomia osora estrapolatzen baditugu, datorren urtean zehar 2.000 eta 3.000 soldatapeko lanpostu garbi artean sor daitezke Gipuzkoan, batez ere industrian, enpresentzako zerbitzuetan eta osasun-, gizarte- eta hezkuntza-zerbitzuetan. Aurreikuspen horiek tentu handiz hartu behar dira, bizi dugun ziurgabetasun-egoera aldakorragatik.

Kezka-faktoreak

Espainiako ekonomiaren ahultasunak kezka nagusia izaten jarraitzen du, baina jaitsi egiten da. Bigarren postuan daude nazioarteko ekonomiaren ahultasuna eta salmenten errentagarritasunaren jaitsiera. Lehengaiei buruzko kezkak gora egin du.

Espainiako ekonomiaren ahultasuna kezka da enpresen ia % 60rentzat. Kezka nagusia izaten jarraitzen du, baina iraileko datuekin alderatuta, 16 puntu galdu ditu.

Bigarren kezka nazioarteko ekonomiaren ahultasuna da, baina oraingo honetan salmenten errentagarritasunaren jaitsieraren kezkarekin bat dator (hirugarren postua irailean); biak dira arazo enpresen ia % 41,5entzat. Nazioarteko ekonomiaren kasuan -irailean baino 11 puntu gutxiago diren bitartean, salmenten errentagarritasunaren inguruko kezkak behera egin du -2,5 puntu.

Laugarren postuan mantendu egiten da enpresen % 24,5ek adierazten duten lan-kostu handien eta soldata-igoeren kezka. Kezka hori +1 puntukoa da irailarekin alderatuta.

Lehengaien hornidurari eta/edo prezioari buruzko kezka + 19 puntu da irailarekiko, eta azken postutik bosgarrenera igo da. Lehengaiak arazo bihurtu dira enpresen % 22rentzat baino gehiagorentzat, hau da, duela urtebete baino 8,5 puntu gehiago.

Errekuperazio epea

Enpresen % 19,5 errekuperatu dira jada (irailean baino 4,3 puntu gehiago); % 53,5ek, berriz, urtebete beharko du, eta % 23k bi urte edo gehiago beharko ditu. % 3,5ek ez du errekuperazio-aurreikuspenik.

Zerbitzuen sektoreko enpresen ia % 26 errekuperatu direla adierazi dute (enpresen % 28,5 enpresa-zerbitzuen alorrean eta % 22 merkataritzan eta ostalaritzan – Merkataritza-enpresa guztiak –). Eraikuntzan enpresen % 22 eta industrian % 16.
 

Gipuzkoa 2021eko aurreikuspena

Azken hilabete hauetan, nazioarteko ingurune ekonomikoan susperraldi sendo baina desberdina izan da, batez ere nazioarteko merkataritzaren gorakadan oinarrituta eta automobilgintzaren sektoreak bultzatutako industriaren hobekuntza garrantzitsuan oinarrituta. Aitzitik, Coviden aurkako neurriek ahuldutako zerbitzu-sektore bat eta konfiantza falta zaion kontsumo ahula ditugu.  Sektoreek konfinamendu-neurriekiko duten esposizio desberdinaren ondorioz, zenbait sektoreen gain(hala nola merkataritzak eta ostalaritzak) gainerakoek baino eragin handiagoa izan dute hartutako neurriek.

Horregatik, lehentasuna da pandemia kontrolatzea eta txertaketak bizkortzea; premisa horiek gabe, ezin da bermatu ekonomiaren eta enpleguaren susperraldia. Ahalegin guztiak egin behar dira inor atzean ez uzteko, ez kolektibo ahulak, ez negozioak.

Gipuzkoako BPGren batez besteko -% 9,3ko beherakadaren ondoren, azken hilabeteetan izandako bilakaera ekonomikoa positiboa izan da, eta 2021a hazkunde handiko urtea izango da, eta enplegua sortuko da, baina modu desberdinean sektoreen eta enpresen artean. Gure proiekzioen arabera, 2021ean BPGren batez besteko hazkundea % 4,5/% 6,5 ingurukoa izan da, eta 2.000 eta 3.000 artean egongo da urtean sortuko den batez besteko enplegua.