Euskadiko Ingurumen Administrazioaren Legea

Data: 29/03/2022 | Ordutegiak: 09:30 h. - 10:30 h. | Iraupena: 1 h.| Egunak: Viernes, 29 de marzo de 2022 | Antolatzailea: ADEGI | Lekua: Aula Virtual. Aula Virtual - Adegi

Asteartea, martxoaren 29an, 9:30etatik 10:30etara ADEGIko Gela Birtualean

Eusko Legebiltzarrak abenduaren 9ko 10/2021 Legea onartu du, autonomia erkidegoko ingurumena babestu, zaindu eta hobetzeko arau-esparrua ezartzen duena, pertsona fisiko eta juridikoen eskubideak eta betebeharrak zehaztuz.

Legearen helburuen artean daude, besteak beste: ingurumena babestea, ingurumenaren hondatzea prebenitzea eta berreskuratzea, herritarrak ingurumen-presio eta -arriskuetatik babestea eta ingurumena babesteko erantzukidetasun publiko-pribatua bultzatzea.
Saio honen helburua lege berri honen eduki nagusien berri ematea da, baita lege honek enpresentzat dakartzan betebeharren berri ematea ere.

Enpresei eragin diezaieketen betebehar horien artean honako hauek daude: baimen bakar batean biltzen diren ingurumen-baimen integratuaren araubide juridikoak eta EAEko ingurumen organoak emandako ingurumen baimen bakar berria; gaur egun ingurumena babesteko araudi sektorialean sakabanatuta dauden baimenak eta txostenak; ingurumen hobekuntza bultzatzeko tresnak, horien artean daude ingurumen akordioak, Kudeaketa eta Ikuskaritza Sistema Komunitarioa (EMA) eta Europar Batasunaren etiketa ekologikoa; produktuen eta erakundeen bizi-zikloa aztertzea, ingurumen-inpaktu potentziala neurtzeko eta horien murrizketa aztertzeko; ekoberrikuntza produktuetan eta prozesuetan, ingurumenak sortzen dituen merkatu-aukerak aprobetxatzeko; eta ingurumen fiskalitateko sistema bat ezartzea. Obra-kontratuen kasuan, horiek gauzatzeko baldintza gisa azpiproduktuak, bigarren mailako lehengaiak edo material birziklatuak erabiltzea ezarri ahal izango da, kontratu-mota horren xedeak izaera horrekin lotura zuzena duelako.

Horretarako, Leire del Molino izango dugu gurekin, PKF Attesten ingurumen legerian aditua den aholkularia.

Programa

1. Aurkezpena

2. Euskadiko Ingurumen Administrazioaren Legearen berritasunak.

3. Enpresen betebeharrak eta parte-hartzea.

4. Galderak