Webinar

Enpresentzako finantzaketa-irtenbide globalak. Alde biko finantzaketaz harago.

Otsailaren 22an, asteartea, 9:30etatik 11:00etara, ADEGIko Gela Birtualean

Pandemiak eragindako egoerak agertoki berri bat sortu du enpresa-testuinguruan, eta horrek enpresen finantzaketa-egitura sakon berrikustea eta birplanteatzea eskatzen du, aurkezten diren erronka berrietara egokitzeko.

Inpaktua oso desberdina izan da abiapuntuko egoeraren arabera (kaudimena, zorpetzea, sektorea, negozioaren dibertsifikazioa, etab.); beraz, hartu beharreko irtenbideak enpresa bakoitzaren beharretara egokitu behar dira, modu guztiz pertsonalizatuan, eta orain arte erabilitako formulak ez dira beti baliozkoak.

Horregatik, azterketa horri ekiteko, behar-beharrezkoa da izan ditzakegun finantzaketa-aukera guztiak kontuan izatea, eta merkatuak eskaintzen dizkigun tresna guztiak ikuspegi global batekin baloratzea, banko-enpresa finantzaketa bilateraletik harago. Merkatuan gero eta ohikoagoak dira finantzaketa alternatiboko formulak, hala nola finantzaketa egituratua, zeinetan konpainiaren banku-poolak modu koordinatuan parte hartzen duen, edo kapitalen merkatu-formulak, non konpainia merkatuan finantzatzen den (bonuak, ordaindukoen jaulkipenak, burtsara/Marf), edo inbertitzaile instituzionalekin eta/edo funtsekin, orain arte tamaina handiagoko konpainiek bakarrik eskura baitzituzten.

Saio honen helburua finantzaketa tradizionaletik haratago dauden aukera guztiak erakustea da, eta enpresen eskura dauden aukera guztiak aztertzea, beren finantzaketa-egitura egungo egoerara egokitzeko. Horretarako, Telmo Echeverria, Banco Sabadell-eko Global Financial Solutions zuzendaria izango dugu gurekin, Ipar Lurraldea Finantzaketa egituratuaren arloa.

Egitaraua:

Enpresentzako finantzaketa-soluzio globalak. Alde biko finantzaketaz harago.

Testuingurua

Telmo Echeverria. Global financial Solutions eko Zuzendaria
Juan Agut. Enpresetako Lurralde Zuzendaria

Enpresa-finantzaketarako alternatibak
Finantzaketa egituratua
- Eragiketa Korporatiboak/Project Finance/LBO/CRE. Finantzaketa Sindikatuaren modalitatea versus Aldebiko Finantziazioa
- Zer eman diezaioke finantzazio egituratuak enpresari? Zorra/Hazkundea berrantolatzea

Javier del Pozo, Iparraldeko Middle market lurraldeko zuzendaria

Beste finantzaketa-aukera batzuk
- Zor Funtsa
- Mailegua inbertitzaile instituzionalarekin
- Mendeko finantzaketa
- Equity
- Kapital-merkatua. Ordaindukoak, bonuak, titulizazioak eta abar jaulkitzea.

Marta Sabugal, Kapital Merkatuaren zuzendaria, Middle Market. (Zoom konexi bitartez)

Azterketa-adibideak eta –kasuak
360º soluzioa