Erosketa-kudeaketari buruzko espezializazio-ikastaroa

Data: 08/10/2019 - 22/10/2019 | Ordutegiak: 09:00 h. - 18:00 h. | Iraupena: 21 h.| Egunak: 8, 15 y 22 de octubre de 2019 | Antolatzailea: ADEGI | Lekua: Sede ADEGI. Pº Mikeletegi 52, Donostia-San Sebastián, Gipuzkoa

• Iraupena: 21 ordu (3 egun, 7 ordu egunero)
• Ordutegia: 9:00etik 13:30era; denon arteko bazkaria; 15:00etik 17:30etara
• Gehienez ere, 16 pertsona talde bakoitzean
• Bazkideen prezioa: 350 euro (bazkaria barne) gehi BEZ
• Bazkideak EZ direnen prezioa: 525 euro (bazkaria barne) gehi BEZ
• Datak: urriaren 8a, 15a eta 22a (astearteak)

Erosketen funtzioa enpresari lehiatzeko abantailak ematen dizkion elementu estrategiko bat da; enpresak hornitzailerik onenak izatea bermatzen du; alegia, ahalik eta produkturik eta zerbitzurik onenak baliorik onenean izatea. Gainera, kostuak txikitzeko eta irabazien marjinak handitzeko aukera ona da. Espezializazioa eta kostu-murrizketa oinarrizko elementuak dira edozein erakundek eraginkortasunez jardun dezan. Gainera, erosketa-funtzioaren helburuak enpresa-politikaren baitan sartu behar dira, garrantzi handikoak baitira.

EGITARAUA

Lehen jardunaldia	Urriaren 8a, asteartea
Gaiak	Erosketak eta hornidura-katea Stocken kudeaketa: sarrera.
Hizlaria	Unai Atristain. Export Managerra, CARDIVA
Helburua	Hornidura-kateari buruzko oinarrizko ezagutzak lortzea, hornitzaileak eta erosketak eraginkortasunez kudeatzeko. Helburuen kudeaketari eta kostuen murrizketa sistematikoari balioa emango dieten teknikak erabiliko dira.

Bigarren jardunaldia	Urriaren 15a, asteartea
Gaiak	KPI (key performance indicator) kudeaketako adierazleak Negoziazio-teknikak
Hizlaria	Pablo Andérez. Erosketen Managerra, BRAMMER IBERIA
Helburua	Erosketa-prozesuko eta stock-kudeaketako KPI adierazle nagusiak zehaztasunez aztertzea eta zuzen interpretatzea funtsezkoa da, hornidura-kateko kudeaketako aldaketak ulertzeko eta haiei aurrea hartzeko. Negoziazio-teknikek profesionalen arteko harremanetarako gakoak ematen dituzte, negoziazioetan akordio onuragarriak lortzeko.

Hirugarren jardunaldia	Urriaren 22a, asteartea
Gaiak	Erosketa-politikako jardunbide onen kasu praktikoak
Hizlaria	Iñigo Ortiz. Eragiketen zuzendaria, INDAUX
Helburua	Erosketa-politikako jardunbide onen kasu praktikoak, esperientzien, jarraibideen eta tresnen ikuspuntutik.

HEZITZAILEAK

UNAI ATRISTAIN ARANGUREN

Export Managerra CARDIVAn, osasunaren sektorean. Brammer-en hasi zen bere karrera, logistikako eta kalitateko zuzendari. Ondoren, NGSra joan zen, erosketa- eta logistika-saileko zuzendaria izateko. Gero, sektore aeronautikoan jardun zuen, ITP AEROn (turbopropultsatzaileen industria) erosketako eta hornidura-kateko zuzendari gisa. Enpresa-munduan aritzeaz batera, irakasle jardun du erosketa-kudeaketaren arloan, zenbait erakunde eta unibertsitatetan. Geografian lizentziaduna da EHUn, eta ikasketak Joensuuko Unibertsitatean (Finlandian) amaitu zituen. Mondragon Unibertsitateko Enpresagintza Fakultatean, Logistika Integraleko Masterra eta MBA Executive egin zituen.

    

PABLO ANDÉREZ GONZÁLEZ

Erosketen Managerra, BRAMMER IBERIA. Bere karrera profesionala industria-banaketaren arloan garatu du. Azken 10 urteetan, askotariko funtzioak izan ditu Erosketa eta Stocken Kudeaketa Arloko erantzukizun-postutik. Besteak beste, hornitzaileekin aliantza estrategikoak garatzen eta inbentarioak optimizatzeko sistema aurreratuak ezartzen lagundu du. Zuzenbidean lizentziaduna da Deustuko Unibertsitatean, eta Giza Baliabideak Kudeatzeko Masterra egin zuen Euskal Herriko Unibertsitatean.

    

IÑIGO ORTIZ ASTIZ

Gipuzkoako Indaux familia-enpresako eragiketa-zuzendaria. Enpresa horretan 2011n hasi zen, erosketa- eta logistika arloko zuzendari. Bere karrera profesionalaren hasieran, nazioarteko erosketen arloan hasi zen, eraikuntza-materialak saltzen dituen NOPIN Arabako enpresan. Esperientzia handia du erosketa-kudeaketan eta Asian industria-ezarpenak egiten. Bere jarduera profesionalarekin batera, irakaslea izan da MUko eta IVLko master eta graduondoetan, industria- eta erosketa-kudeaketaren arloan. Industria-ingeniaritzan lizentziaduna (Nafarroako Unibertsitate Publikoa), MBA executive masterra (Eseune), Industria Eragiketen Zuzendaritzako masterra (MU) eta International Business programa (Georgetown University).